CEBECO mipatuman og umento sa bayranan sa koryente
CEBU, Philippines — Nipatuman og pagsaka sa bayranan sa kuryente ang Cebu Electric Cooperative III (Cebeco III) sa bulan sa Hunyo.
Kini gumikan sa padayon nga pagsaka sa presyo sa fuel o coal nga gigamit pagsugnod sa boiler sa Toledo Power Company o TPC.
Sa advisory nga gipagawas sa Cebeco III sa ilang Facebook page nagkanayon kini nga "ang power rate sa
bulan sa Hunyo 2022 anaa sa 12.93 Php. Per kilowatt-hour nga mas taas og 2.20 Php. Per kWh kompara sa bulan sa
Mayo 2022. Kini alang sa residential consumers nga nagkonsumo og 100 kwh".
Sulod sa tulo ka bulan adunay pagsaka sa fuel rate matag kilowatt hour.
2.7537 Php sa bulan sa Marso karong tuiga samtang 3.4817 Php sa Abril ug 6.1804 Php sa Mayo.
"Ang padayong pagsaka sa fuel cost sa niaging mga buwan maoy nakapainat sa GENERATION CHARGE. Kita ang labaw sa katunga nga pagsaka gikan Abril hangtod Mayo 2022. Adto kini padulong sa generation suppliers sama ni Toledo Power Company (TPC)" sumala sa Cebeco III.
Apil sa mga rason sa pagsaka sa presyo sa fuel mao ang padayon nga gubat sa Russia ug Ukraine ug hinay nga produksyon sa fuel sa China. Sakop sa Cebeco III ang Toledo City, Pinamungajan, Asturias, Aloguinsan, ug Balamban. (BANAT NEWS)
- Latest
