Supply sa manok nagnihit sa Mandaue Public Market
CEBU, Philippines — Nanirado na ang pipila ka mga stalls sa merkado publiko sa Siyudad sa Mandaue nga naninda og mga inihaw nga manok tungod sa pagnihit sa supply niini ug misaka sab og maayo ang presyo.
Ang market administrator nga si Edgar Seno miingon nga ang nag-unang hinungdan sa pagpanira sa mga naninda og karne sa manok sa nahisgotang merkado mao ang pagnihit sa supply niini.
Ang pipila sa mga naninda og mga inihaw mga manok miingon nga pipila na ka adlaw ang nakalabay nga ilang namatikdan ang kakulang sa supply.
Tungod sa pagnihit sa supply sa karneng manok miresulta kini sa pagsaka sa presyo matag kilo.
Ang nasinating pagnihit supply sa mga inihaw nga manok maoy resulta sa gipatuman nga pag-ban sa manok dinhi sa Sugbo ug uban pa nga mga poultry related products gikan sa ubang probinsya tungod sa ASF nga sakit.— IBM (BANATNEWS)
- Latest
