Dugang pinuy-anan sa mga kabus tukoron
CEBU, Philippines — Gipahibalo sa pangulo sa Division for the Welfare of the Urban Poor (DWUP) Engineer Dante "Dax" Arcilla nga karong tuiga mahitabo ang pagtukod og mga dugang "pabahay" ilabi na ang medium-rise buildings nga papuy-an sa mga kabus ug ilaha na nga na-identify ang pipila ka sites.
Base sa report sa Cebu City Public Information Office paabrohan nalang nila ni Mayor Michael Rama ang maong plano.
“For the urban poor, we are now accelerating our development sa MRBs. Naa nami identified so far mga seven ka sites ang ato nang gi-arrange para matukoran”, butyag ni Arcilla.
Pipila sa maong sites nahimutang diha sa Barangay Mambaling, Quiot, ug Calamba.
Ug kong mahan-ay na ang tanan target sa DWUP nga makapahigayon og groundbreaking sa sunod nga mga bulan.
“Ang maka-benefit is tanan. Not just the informal settlers, but ang tanan nga manginahanglan, ang tanan nga underprivileged”, padayag ni Arcilla.
Gitataw ni Arcilla nga managsama ang dagway sa kada MRB kay mag-agad man kini sa lokasyon luna.
“Di man ta kabuot og unsay porma sa luna ba but definitely ang concept mura-mura gyud, the same nga naay portion nga dedicated for sustainability sa facility nga ang ilahang gidak-on sa living quarters would be decent enough nga kapoy-an”, pasabo ni Arcilla.
Giplano sa siyudad nga ang pagpatuman sa proyekto moabot sa labing menos usa ka tuig ngadto sa 18 ka buwan.
Sayo pa, gipadayag sa kagamhanan sa Siyudad sa Sugbo nga hatagan nila og pag-atiman ang mga naghambin og suliran sa estado sa ilang kapuy-an. —BDB (BANATNEWS)
- Latest
