Pickup ni Casas natagak sa pangpang

CEBU, Philippines — Nahulog sa pangpang  ang pick-up truck nga gipanag-iya ni kanhi city administrator Atty. Floro Casas didto sa Barangay Buot sa Dakbayan sa Sugbo kagahapong adlawa.

Base sa hulagway gi-post ni Casas sa iyang Facebook account , makita nga napunta ang sakyanan sa lapad nga sapa ug nakabaton kini og pagpanglumping ug pagkabuak sa bildo.

Wala hinuon siya nakasakay atol sa maong hitabo. Sumala pa niya nga nakabaton ra og minor injuries ang mga pasahero sa iyang sakyanan.

Nagsilbi kaniadto si Casas  isip administrador sa dakbayan sa panahon ni anhing Mayor Edgardo Labella.

Siya usab ang kasamtangang chairman sa  Partido Panaghiusa nga usa nisuporta sa kandidatora ni Rama sa bag-ohay lang nga piniliay. —IBM (BANATNEWS)