Durano mitahud sa desisyon sa ilang partido
CEBU, Philippines — Giklaro ni gubernatorial aspirant Ace Durano nga ang iyang partido, ang Partido Pilipino sa Pagbabago maoy mi-endorso kang Presidentiable Bongbong Marcos.
Suma pa niya nga kon siya lang ang pabut-on wala siyay i-endorso nga presidente ug mototok lang sa ilang Cebu Priority Development Agenda.
Gitug-an ni Durano nga nisugyot siya sa partido nga dili na sila mo-endorso og kandidato pagka presidente tungod kay sa iyang pagsuroy iyang nasuta nga daghan sa mga local candidate sa ilang partido ang lain-lain ang gisuportahan nga presidente.
Hinoon girespito niya ang desisyon sa ilang partido.
Gitataw ni Durano nga wala sad silay problema kon nidayon si Robredo sa ilang campaign sortie sanglit ang ilang kahilokan dili man event sa PPP kon dili usa ka multi-sectoral o multicolor event o kalihokan nila ni Davide uban sa ilang mga suporters ug way probelma kon naay mga presidentiable nga motambong.
Nangayo og pasaylo si Durano sa mga supporters ni Robredo nga naglaum nga motambong ang bise presidente sa ilang kalihokan niadtong Abril 26. —MEL (BANATNEWS)
- Latest
