BOPK kinahanglang mangita na og ihulip ni Alcoseba
CEBU, Philippines — Giawhag sa Comelec Cebu City ang Bando Osmeña Pundok Kauswagan (BOPK) nga mangita og hulip ni anhing konsehal Raul “Yayoy” Alcoseba nga parehas niini og apelyido.
Si Alcoseba subli nga nagpapili pagkakonsehal sa siyudad karong piniliay . Matud pa nga naprinta na ang mga balota ug dili na mailisdan ang ngalan ni Alcoseba apan ang boto nga makuha niini adto mahatag sa mohulip niya nga pareho niya og apelyido.
Ubos sa COMELEC rules, dunay tulo ka pamaagi sa pag substitute sa kandidato, pinaagi sa voluntary withdrawal nga nahuman na niadtong Nobiyembre 15, samtang ang substitution tungod sa kamatayon o final conviction tugotan hangtod sa midday sa election day karong May 9, 2022.
Si Cebu City Mayor Michael Rama sa iyang bahin naguol sa kalit nga pagpanaw ni Alcoseba nga iyahang gihulagway nga usa ka family friend ug kauban sa buhat.
Gihulagway niya nga usa ka icon sa natad sa basketball si Alcoseba kinsa naila sab sa tawag nga Coach Yayoy nga usa sa dunay kinadaghanang napadaog nga duwa dinhi sa siyudad.— IBM (BANATNEWS)
- Latest
