Fernandez motutok sa movement for transformative politics

CEBU, Philippines — Si Bimbo Fernandez kinsa magpapiling bise mayor sa Dakbayan sa Sugbo sa umaabot nga eleksiyon sa Mayo 9, 2022 Fernandez gusto nga tutokan ang movement for transformative politics.

Matud ni Fernandez nga nag-inusara siya sa iyang kandidatura pagka-bise mayor apan ubos siya sa political party hinungdan nga iyahang awhagon ang katawhan alang sa usa ka kausaban.

Gipadayag ni Fernandez nga tutokan niya ang movement for transformative politics diin limpiyohan ang politika, walay kwartahay, walay ilaray ug walay hulgaay aron walay corrupt ug kaayohan kini sa katawhan aron ang gobiyerno mahimong serbisyo ug dili negosyo.

Nanghinaot si Fernandez nga suportahan siya tungod kay dugay-dugay na siyang nagtrabaho sa mga tawo, sa gobiyerno ug non-government organization ug kong nakauyon sila kaniya lakip siya nga ikampaniya.

Si Fernandez adunay mga hagit tungod kay naglisod siya sa pagpahibalo sa mga tawo sa iyang kandidatura ilabi na nga wala siya’y resources ug iyang panghinaot nga tabangan siya sa mga tawo kay kong mahatagan siya og kahigayonan mahimo siya nga maduolan ug mapaninglan sa mga serbisyo nga alang sa katawhan nga maoy iyang giutangan og kabubut-on. —BDB (BANATNEWS)