CHR-7 moimbestigar sa paggamit og mga bata atol sa Carbon protest

CEBU, Philippines — Gikasagmuyo ni Konsehal Joel Garganera ang matud pa paggamit og mga bata sa mga nagprotestang vendors  alang sa kaugmaran sa maong merkado nga gustong ipatuman sa siyudad.

Dunay pipila ka mga vendors ang supak sa matud pa modernisasyon ug pagpalambo sa Carbon Public Market. Ang grupo giabagan sab sa mga militanteng pundok ug pipila ka mga kandidato sa umaabot nga piniliay.

Gipakita ni Garganera ang ang usa ka video nga kuha niadtong Marso 11,2022 sa mga bata nga matud pa gigamit aron pugngan ang mga sakop sa Prevention Restoration Order Beautification Enhancement(PROBE) pagbutang og railings diha sa Unit II sa Carbon Public Market.

Gihulagway ni Garganera usa kini ka ‘cheap’ nga pamaagi apan ilang gibutang sa peligro ang mga bata alang sa ilahang personal nga katuyuan.

Dako ang pagtuo ni Garganera nga dili mga vendors ang nagpaluyo niini nga gamiton ang mga bata.

Tungod niini, midangop si Garganera sa Commission on Human Rights(CHR)-7, Department of Social Welfare and Development(DSWD)-7 ug ang Women’s Desk sa Cebu City Police Office aron mohimo og imbestigasyon pagila kun kinsa ang mga ginikanan ug kinsa ang nigamit sa maong mga bata.

“Tinalawan ni unya klaro kaayo nga gibutang ninyo sa alanganin ang mga bata. I condemn this to the highest. Klaro kaayo gihimo nilang shield, wala nila wala nila tan-awa ang seguridad sa bata, I mean anything could happen to them, dili gyud maayo, that’s foul,” ni Garganera pa.

Si Cebu City Mayor Michael Rama miasoy nga dili gyud unta kini angay mahitabo apan wala na siya makurat ani. Matud sa mayor gusto niyang butangan og railings ang dalan aron mabalik ang two-way lane ug kaluwasan sa tanan.

Si Ann Ariosa, tigpamaba sa Carbonhanong Alyansa miklaro nga wala sila magsugo sa mga bata nga moapil sa ilang gihimo.

Si Atty. Arvin Odron, Regional Director sa Commission on Human Rights Central Visayas moimbestigar sila sa niini alang sa proteksyon sa mga bata ubos sa Republic Act 7610 kun Child Abuse Law.

“Kung intentional na nga gigamit sa mga parents exposing their children to the threat of violence, gihimong human shield that’s a blatant disregard of the human rights which the state is supposed to protect. Pero atong ng imbestigaran, makuha nato ang side sa mga bata they have the right to express their opinion also whatever the policies of the government but they should not be put in frontline threatening the lives and security,” pasabot ni Odron. —IBM (BANATNEWS)