Mga establisamento sa Mandaue nakatuman sa health protocols

CEBU, Philippines — Wala pay naisyuhan og notice of violation o warning ang buhatan sa Business Permit and Licensing Office (BPLP) sa Siyudad sa Mandaue kabahin sa mga establisamento nga napakyas sa pagsunod sa mga lagda nga gipatuman ubos sa Alert Level 2 status.

Kini ang gipadayag ni Atty Augusto Liser Malate nga maoy pangulo sa Vaccination and Operation sa siyudad sa Mandaue.

Siya miingon nga ilang isentro ang ilang operasyon sa pagpahigayon og inspection.

Namatikdan nga mituman ra ang mga establisamento sa safety ug health protocols nga gipatuman sa kagamhanan sa siyudad.

Matud ni Atty Malate nga sa pagkakaron kanunay usab nilang gihimo ang pag-agni sa katawhan nga magpabakuna na batok sa COVID-19. MEL (BANATNEWS)