CREMDEC nangita og mga grupong gustong mananom
CEBU, Philippines — Subli na modawat ang Cebu City Resource Management and Development Center (CREMDEC) og mga grupo o organisasyon nga moboluntaryong maglusad og tree planting activities sa ilang dapit.
Sumala pa sa pangulo sa campus development section sa CREMDEC nga si Dr. Alice Utlang nga nangaputol ang ilang mga kahoy tungod sa pagkuso-kuso sa Bagyong Odette sa miaging buwan.
Nangaputol ang kasagaran nila nga acacia , mahogany , ug fruit trees. Padayon usab nga nananom ang CREMDEC og mga utanon. Gawas sa mga utanon aduna pu'y mga ornamental plant ang maong buhatan.
Una na nga gitinguha sa maong departamento nga himuong tourist spot puhon ang pipila ka bahin sa luna niini.
Nasayran nga gianam-anam na nga gipanindot kaniadto ang landscape sa gawas nga bahin sa CREMDEC.
Gidasig gyud ang katawhan sa pagpananom og kahoy isip usab sa pagpalig-on sa kinaiyahan. —IBM (BANATNEWS)
- Latest
