Whale Shark Watching sa Oslob buksan na og balik
CEBU, Philippines — Human sa kapin sa usa ka buwan nga pagsirado, gibuksan na og balik sa lungsod sa Oslob ang duha sa mga sikat nga tourist destination sa ilang lungsod, ang Whale Shark Watching sa Barangay Tan-awan ug ang Sumilon Island.
“Nag-open na mi since last week ang whale shark and sumilon sandbar” sumala sa Oslob Tourism Office.
Hinoon matag Miyerkules, siradoan sa lokal nga kagamhanan ang sandbar gikan sa publiko alang sa rehabilitation o clean-up drive.
Gipatuman usab sa LGU ang carrying capacity o ang kapasidad sa matag tourism destination nga maka akomodar og turista. Ang sandbar dunay 500 nga capacity samtang 1, 000 usab sa whaleshark watching.
Sa nasayran ang duha ka mga tourism destination apil sa mga naapektohan sa bagyong Odete niadtong Disyembre 16, 2021.
Samtang sa Oslob, nangaguba ang mga pumpboat sa mga operators nga gamiton sa pag adto ug paglantaw sa mga whale shark. —MEL (BANATNEWS)
- Latest
