Garcia nanghinaot nga makakuha og mayoriya nga boto sa Bogo
CEBU, Philippines — Nanghinaot si Cebu Governor Gwendolyn Garcia nga sa 2022 elections makuha na niya ang mayoriya nga boto sa mga residente sa Siyudad sa Bogo.
Kini human nga gi-endorso si Garcia ni Bogo City Mayor Carlo Martinez sa kandidatura niini sa sunod tuig nga piniliay.
Niadtong Nobiyembre 9, 2021 nipahigayon og inauguration ug groundbreaking ang opisyales sa Kapitolyo sa mga infrastructure project diha sa Dakbayan sa Bogo.
Si Martinez nagpasalamat kang Garcia sa mga proyekto sa imprastraktura nga gibubo diha sa ilang dakbayan. Si Martinez niawhag sa iyang mga konstituwente sa kabarangayan nga suportahan si Garcia sa kandidatura niini.
Si Garcia nagpasalamat usab kang Martinez kinsa iyang gidayeg nga kugihan ug gihangop usab niya ang nahimo niini sa Dakbayan sa Bogo.
“As a person I find him to be a true and hardworking public servant so it really is a huge reason for being thankful for the support since you know, our political history, wa gyud ko modaog diha (Bogo City). Hinaot unta modaog na pod ta ron”, ni Garcia pa.
Sulod sa sobra 17 ka tuig wala na mag-alyansa ang mga Garcia ug Martinez human napildi sa gobernadora si kanhi kongresista Celestino “Junie” Martinez pagkagobernador niadtong tuig 2004. (BANAT NEWS)
- Latest
