Carbon Alliance subling nanawagan batok sa JVA
CEBU, Philippines — Subling gipanawagan kagahapon sa Carbonhanong Alyansa Alang sa Bahandianong Ogma sa mga Nanginabuhi (CARBON Alliance) ang pakigbatok nila sa joint venture agreement (JVA) tali sa Megawide Construction Corporation ug Cebu City government alang saa modernisasyon sa Carbon Market.
Ang maong grupo nipasiugda og kalihokan kagahapon diin giimbitar nila ang pipila ka mga kandidato sa Bando Osmeña Pundok Kauswagan.
Gipadayag sa mga sakop Carbon Alliance ang pipila nila ka punto sa ilang pagsupak sa pagdumala sa usa ka pribadong kompaniya sa maong proyekto.Matud ni Anna Marie Sipalay-Ariosa, chairperson sa CARBON Alliance nga kinahanglang adunay lapad nga konsultasyon .
"Dili ta man ta supak anang modernisasyon pero kinahanglan gyud seguro nga adunay tinud-anay nga konsultasyon “, matud ni Ariosa.
Tumong nila nga mamentinar niini ang ilang serbisyo nga makapamaligya og barato nga mga produkto. Usa sa ilang panawagan mao ang pagpabiling merkado sa sa Unit 1,2,3 ug Warwick Barracks.
Sayo pa, gipadayag ni Ariosa nga wala siya’y supak sa pagpalambo sa merkado apan labing maayo nga ang siyudad nalang unta ang mogasto niini ug dili ang pribadong contractor.
Sa nangaging report gitataw sa hepe sa Market Operations Division Irvin Cabales nga mayoridad sa Carbon vendors ang uyon sa modernisasyon.
Gani ubay-ubay na ka certificate of recognition ang naapod-apod ngadto sa vendors nga naghatag og kasigurodohan nga aduna sila'y pwesto sa bag-ong merkado. (BANAT NEWS)
- Latest
