Sunog niulbo sa Consolacion

CEBU, Philippines — Padayong gisubay sa Consolacion Fire Station ang sunog nga niulbo sa Villa Roca, Barangay Poblacion Occidental kagahapon sa buntag.

Ang sunog giingong nagsugod sa panimalay nga iya nila ni Eufronio Cantano ug Helen Sanchez.

Nadawat sa kabomberohan ang alarma alas-11 pasado sa buntag ug ala-11:55 na nila kini hingpit nga napawong. Matud pa ni Fire Officer 1 Charmaine Abarquez, sa Consolacion Fire

Station gisusi pa nila kun pila gayud ang balay nga apektado lakip ang danyos niini, hinuon way natalang nasakitan o nakalas sa maong hitabo. Sa laing bahin, pito ka pamilyang nasunogan sa  Barangay Tabunok ug San

Roque ang gihatagan sa kagamhanan sa Dakbayan sa Talisay og mga hinabang nga personal nga gitunol ni Mayor Gerald Anthony “Samsam” Gullas. Ang kabumberohan sa Dakbayan nagsige og pahimangno sa katawhan nga di mokumpyansa sa ilang elektrisidad nga maoy kasagaran hinungdan sa sunog.

Si Chief Insp. Arnel Abella mimando sa mga sakop nga libuton ang nagkadaiyang barangay aron pangusgan ang information drive bahin sa paglikay sa sunog.— Gabriel Bonjoc (BANAT NEWS)