CCSC buksan na karong Disyembre
CEBU, Philippines — Gipahibawo ni Cebu City Acting Mayor Michael Rama nga karong Disyembre 16, 2021 buksan pagbalik ngadto sa publiko ang Cebu City Sports Center.
Ang maong pasilidad temporaryo kining gisirado niadtong buwan sa Agosto niining tuiga gumikan kay gihimo kining mega isolation facility dihang napuno na ang mga quarantine facility sa siyudad pagsaka sa kaso sa COVID-19.
“Ester Concha the one that I asked to oversee to prepare the so call commencement of having it utilized and of course our EOC to be involve on what contingency plan that the management of Abellana should be doing and pursuing”, matud ni Rama.
Si Konsehal Joel Garganera, pangulo sa Emergency Operations Center Cebu City nagkanayon nga duha nalang ang Barangay Isolation Center sa siyudad nga naa diha sa Barangay Zapatera ug Banilad apan gipaabot nga dili na usab nila gamiton ang BIC sa Banilad.
Matud ni Garganera nga sa umaabot May 2022 natioanal ug local elections gamiton ang mga tunghaan hinungdan nga nangita sila og laing isolation facility.
“We have to be prepared kay mawala naman ni, kay ang atong Abellana of course ni Mayor pa it’s sports gyud na siya and then naa nami identify we’ll be announcing it”, ni Garganera pa.
Ang BIC karon anaa na lang kini 41 ka pasyente samtang sa Cebu City Sports Center aduna na langy kini 18 ka pasyente nga giatiman. Gikataho nga ang manager sa Cebu City Sports Center Jundel Bontuyan nagkanayon nga gipangandamang usab nila ang umaabot nga pagbukas og balik sa maong pasilidad aron masiguro ang kaluwasan sa mga tawo nga moadto sa maong dapit. (BANAT NEWS)
- Latest
