Fire-substation sa Tabunok mahuman karong buwana

CEBU, Philippines — Usa ka fire-substation ang ibutang sa Barangay Tabunok, Dakbayan sa Talisay. Kini maoy gibutyag ni Chief Insp. Arnel Abella, ang pangu sa kabumberohan sa siyudad. Matud pa ni Abella nga taod-taod na gyud kini nga plano sa mga nanglabay nga hepe apan wa kini malihok.

Siya nagkanayon nga angayan kaayo nga magbutang og fire sub-station sa Tabunok tungod kay daghan ang mga negusyo ingon man mga tawo sa maong dapit. Asoy pa ni Abella nga dili man tuod kaayo dako apan makapahiluna na sila diha sa luyong bahin sa simbahan sa Tabunok. Iyang ibutang ang penetrator aron mao kini ang paspas unya nga moresponde kung adunay sunog nga mahitabo ug sakto rasab ang penetrator sa lugar aron paspas nga makaliot-liot sa gagmay nga karsada. Posible mahuman ang pagtukod sa ilang fire sub-station karong katapusan sa buwan sa Septiyembre.(BANAT NEWS)