San Remigio ang sakto nga spelling

CEBU, Philippines — Nisubli pagpahinumdom ang lungsod sa San Remigio sa sakto nga spelling sa pangalan sa lungsod nga kanunay masaypan sa ubang ahensya sa gobyerno ug bisan sa ubang mga tawo.

“Ang correct spelling kay “mi” lage unya usahay man gud “me” naman hinoon” matod ni Mayor Mariano Martinez. Dugang ni Martinez nga husto na ang gamit sa uban sa spelling sa ilang lungsod apan dili malikayan nga adunay masayop gihapon hinungdan nga nipahinomdom sila pag usab.

“Pride gud na sa atong lungsod, importante man gyud unya wrongly spelled, lisod sad kaayo” matod ni Martinez. Usa ka resolution ang gipasar sa Sangguaning Bayan  niadtong 2010 nga nihimo og koreksyon nga ang tinood nga spelling pangalan sa lungsod kay “San Remigio” ug dili “San Remegio”.

Gipost kini sa lungsod sa ilang facebook page aron pagpahinumdum sa mga government agencies, private firms ug sa publiko. —MEL (BANATNEWS)