Medical frontliners nakadawat na sa P30,000 nga allowance
CEBU, Philippines — Nakadawat na sa ilang P30,000 nga dugang allowance gikan sa kagamhanan sa Siyudad sa Sugbo ang medical frontliners nga gipadala ngadto sa National Capital Region sulod sa tulo ka buwan.
Ang maong frontliners magdawat og P10,000 nga allowance matag buwan ug ang nahisgutang allowance sulod kini sa tulo ka buwan.
Tumong ni Mayor Edgardo Labella nga ang paghatag og allowance isip dugang kita gawas sa naandan nila nga sweldo mao ang pagpataas sa moralidad sa mga nagsakripisyo nga frontliners.
Mapasalamaton usab si Labella sa iyang mga kauban nga sila si Vice Mayor Michael Rama, representatives gikan sa Sangguniang Panglungsod ug ni Committee on Budget and Finance Chairman Councilor Raymond Alvin Garcia nga nahimong instrumento niining proyekto ug pagsalig.
Dihang nisaka ang kaso sa COVID-19 ngadto sa kaulohan gipadala ngadto ang 11 ka doktor, 35 ka nurses ug upat ka medical technologists gikan sa Vicente Sotto Memorial Medical Center ug Department of Health (DOH)-7. BDB (BANATNEWS)
- Latest
