Bana mihimakak nga siya ang nipatay sa iyang asawa
Cebu, Philippines — Gipanghimakak sa gidakop nga bana sa gi-chop chop nga babaye ang pasangil batok kaniya nga giingong maoy mipatay sa iyang asawa.
Suma pa ni Harold Carillo Kintanar, 36 anyos nga gihigugma niya ang iyang asawa hinoun giangkon niya nga nagbuwag sila apan cool off lang kini.
Gidugang ni Kintanar nga gipasanginlan lang siya sa kabanay sa iyang asawa gumikan kay kaniadto pa kini nga way gusto kaniya. Sa nasayran gidakop si Kintanar sa kapolisan niadtong Huwebes sa gabii didto sa Lungsod sa Argao gumikan sa kasong parricide nga gisang-at batok kaniya.
Nasang-at ang kaso human makompirmar sa kabanay ni Angelie Lope Kintanar nga iya ang gi-chop chop nga lawas nga nakit-an sa managlahing lugar dinhi sa Dakbayan sa Sugbo samtang ang ulo niini didto mapalgi sa Dakbayan sa Mandaue. (BANAT NEWS)
- Latest
