Kapolisan: Nanunggab sa duha ka babaye, gikan pa nisuyop

CEBU, Philippines — Kasong frustrated murder today ang ipasaka karong adlawa batok sa 19 anyos nga lalaking nidunggab sa usa ka babayeng Indian ug menor de edad nga dalagita diha sa Oman Apartment sa dalan Saphire, Barangay Tisa,Cebu City.

Ang maong krimen nahitabo adtong Sabado sa hapon sa dihang gidungga sa suspek nga si Adriane James Desamparado ang iyang agalon nga si Simar Kaur, nga usa ka Indian national ug ang 17 anyos nga dalagitang Pilipina.

Matud ni Police Major Janelito Marquez, hepe sa Labangon Police Station sulogoon ni Kaur ang suspek. Giingong dunay gisugo sa suspek nga ipaayo sa ikaduhang andana kay nagtulo ang tubo sa tubig.

Apan pagabot didto giingong kalit niining gituok ang agalon.

“Nakasyagit man (Indian National),mao tung nakapangayo siya’g tabang. Kadtong minor nisaka dayon sa second floor,” matud pang Marquez.

Pagbot sa dalagita sa taas gidunggab sila sa suspek. Ang suspek giingong miangkon nga kawaton unta niini ang cellphone apan nasakpan maong sa iyang karatol gipangdunggab niya ang duha.

Giingon miangkon sab kining gikan pa nisuyop sa Carbon (Brgy. Ermita). Hinuon luwas na ang duha ka biktima.

Sa pikas bahin, gipangita karon sa Pardo Police Station ang suspek sa pagpamusil sa usa ka gidudahang durugista diha sa Santa Lucia Cabancalan 1, Barangay Bulacao, Cebu City niadtong Sabado sa gabii.

Matud pa nga utang nga P2 mil sa ilegal nga drugas maoy gitan-aw nilang motibo sa pagpatay sa biktimang si Raymart Bacalso,28, residente  sa Barangay Candulawan, Talisay City.

“Positively identified nato ang ang suspect,dili lang sa fa musulti kay ongoing atong hot pursuit operation,nya kabahin ni siya illegal drugs nga ginagmay matud pa sa atong source ginagmay nga kulang sa bayad lang kuno,” matud pa ni Police Major Cesar Acompanado hepe sa Pardo Police Station.

Samtang patay sab sa pagpanunggab ang usa ka Carlito Responso,35, taga Sitio Kang-aran sa Brgy. Sohoton sa Badian samtang ang biktima natulog kilid sa ilang balay.

Wala mailhi sa kapolisan kun si kinsa ang mamumuno.— Ariza Rose Miranda/IBM (BANATNEWS)