SRP Viaduct sirhan og sayo

CEBU, Philippines — Sirhan og sayo ang viaduct sa South Road Properties (SRP) alang sa dugang nga trabaho sumala pa sa pahibalo  post sa CCLEX page.

Si Mayor Gerald Anthony “Samsam” Gullas nipahibawo sab niini sa mga Talisaynon nga mobiyahe paingon sa siyudad sa Sugbu ug kadtong mopaingon sa habagatan.

Matud pa ni Gullas nga angay mahibawo ang motorista nga sayohon na ang pagsira. Kaniadto matag gabie ang pagsira sa viaduct mga alas 10 sa gabie hangtud sa kaadlawon.

Apan sa bag-ong kalamboan,  sirhan kini sugod na og 8:30 sa gabii hangtud na sa alas 6 sa buntag.  Molungtad kini hangtud pa sa Hunyo 29 ning tuiga.— IBM (BANATNEWS)