123rd Flag Day gisaulog

CEBU, Philippines — Usa ka simple apan makahuloganon nga kasaulogan sa ika- 123rd  National Flag Day ang gihimo diha sa Cebu City Hall nga giatol usab sa pagtak-op sa Cebu City Heritage Week.

Ang pangulo sa Cultural and Historical Affairs Office (CHAO) nga si Bryner Diaz miingon nga kinahanglan hatagan gyud og importansya ang Bandila sanglit representasyon kini sa mga Pilipino  ug kagawasan nga natagamtaman niini.

“Dili nato angay bale-walaon ang atong Bandila. Mao usab kini ang nagpahinumdoman kanato sa gibuhat sa atong mga bayani nga nanalipod sa atong nasud,”matud pa ni Diaz.

Giawhag niya ang tanang opisyales sa barangay nga dili pakyason ang pagbutang og Bandila sa nasud atubangan sa barangay hall.

Gibutyag ni Diaz nga dunay lima ka barangay ang gipadalhan niya og suwat gumikan sa wala nila paghimo sa ilang nasudnong obligasyon. —IBM (BANATNEWS)