Kapin sa 4 milyones ang identified vaccinees sa Central Visayas
CEBU, Philippines — Nikabat ngadto sa 4,052,010 ang na-identified sa Department of Health nga vaccinees sa Central Visayas.
Si Retired general Melquiades Feleciano, deputy chief implementer sa AITF-EIS for the Visayas nagkanayon nga 6,427,856 ang gidaghanon sa vaccinees alang sa Central Visayas, 4,052,010 niini ang naa sa local government units sa Cebu.
Sa nahisgutang 4,052,010 nga vaccinees 2,760,374 niini naa sa Cebu; 660,766 sa Cebu City; 228,909 sa Lapu-Lapu City ug 401,961 sa Mandaue City.
Samtang ang Bohol adunay 877,586 vaccinees; 1,415,974 sa Negros Oriental ug 72,213 sa Siquijor.
Sa laing bahin, ang Office of the Presidential Assistant for the Visayas-led Project Balik Buhay ang nipirma kagahapon sa memorandum of agreement tali sa mga pribadong kompaniya isip vaccination partners.
Si Edmund Liu, chairman sa PBB nagkanayon nga sila as pribadong sector ang gitahasan sa pagtabang ug pagsuporta sa bisan unsa alang sa kalihokan sa vaccination program sa national nga kagamhanan.
Ang PBB nipirma sa MOA tali sa 15 ka vaccination partners nga naglangkub sa Chong Hua Hospital, CebuDoc Group, Visayas Community Medical Center, Mendero Medical Center, UCMed, ARC Hospitals, Belmont One, SM Group, Robinsons Land Corp, Toyota Team Cebu, Ramon Aboitiz Foundation, Visayan Electric, Archdiocese of Cebu, Sacred Heart School ug University of San Carlos.
Ang PBB nipirma usab kini og partnership tali sa ilang vaccination medical partners nga gilangkuban sa Cebu Velez General Hospital, Perpetual Succour Hospital, St. Vincent General Hospital, UP Medical Alumni Society, LH Foundation Inc. ug Bayanihan Cebu. The Freeman/BDB
- Latest
