Patay’ng lawas gikutkot sa iro diha sa katubhan

CEBU, Philippines — Usa ka wala mailhing patay’ng lawas sa tawo ang nadiskubrehan human nakuykoyan sa mga iro ang gilubngan niini diha sa katubhan niadtong Huwebes sa hapon  diha sa Sitio Guimpilacan, Barangay Cantubaon sa Lungsod sa Tabuelan. Si Police Staff Sergeant Roland Duran, field investigator sa Tabuelan Police Station lisud ng ilhon ang lawas kung babaye o lalaki ba kini tungod nadugta na kini lakip ang gisul-ob niining sapot. Gituohan nga taga laing lugar ang maong patay’ng lawas sanglit walay nadawat nga report nga dunay na –missing nga tawo sa lungsod.

Hinuon  nakadawat sila og taho gikan sa kapitan sa Barangay Udlot sa silingang  dakbayan sa Bogo nga si Emily Juanillo nga nagpahibalo labot sa usa ka tawo sa ilang dapit nga gikatahong na missing sukad sa Pebrero 18, 2021. Giimbitar sa kapolisan ang pamilya sa na-missing nga aron pagsusi kun mao ba kini ang nahanaw nilang kadugo.— IBM (BANATNEWS)