Mamalit og benigniton gilaomang modagsa sa merkado

Cebu, Philippines — Ang hepe sa Talisay City Police Station Police Lieutenant Colonel Gerard Ace Pelare nanagana na kini sa posibleng pagdagsa sa mga tawo sa merkado aron mamalit og mahikay alang a Semana Santa.

Si Pelare makigtagbo kang Mayor Gerald Anthony “Samsam” Gullas Jr. ug mohangyo nga unta ang scheduling sa pagpangompra sa mga tawo magpadayon aron dili magdasok diha sa merkado.

Gilaoman nga sa pagsaulog sa Semana Santa daghan ang mamamlit og mga sagol sa benignit nga maoy kasagarang kaonon o iandam atol sa maong kasaulogan.

Lakip usab ang schedule sa malls ang iyang ipangutana kong kini padayon pa ba kini.

Lakip sa pakigkitaan ni Pelare ang mga kadagkoan sa simbahan aron mahibaw-an sa kapolisan ang kalihokan sa simbahan atol sa Semana Santa.

Sa laing bahin, si Mayor Jonas Cortes sa Dakbayan sa Mandaue atol sa iyang tigom tali sa Market Administrator Edgar Seno iyang gimando nga susihon ang mga        satellite market sa kabarangayan.

Tumong sa maong pakisusi aron pagsuta nga ang mga sagol sa benignit ang lakip sa giladlad nga baligya.

Nasayran sa niaging tuig nga pagsaulog sa Semana Santa namatikdan ang pagdugok sa mga tawo diha sa merkado publiko aron mopalit og sagol alang sa benignit.  — Romeo T. Limpangog