Balay sa giingong miyembro sa Kuratong Baleleng gipadad-an og freeze order
CEBU, Philippines — Gipatuman sa kadagkuan sa Phillipine Drug Enforcement Agency PDEA ang freeze order sa panimay sa magtigayong Artemio ug Daisy Salas nga giingong mga miyembro sa “Kuratong Baleleng” drug group.
Nangunay pag-serve sa maong order mao sila si PDEA Director General Wilkins M. Villanueva ug PDEA-7 Regional Director Levi Ortiz diha sa Barangay Guadalupe, Dakbayan sa Sugbo kagahapon.
Ang panimalay sa magtiayon nibalor ug dili mominos sa 5 milyones ka pesos.
Matud pa ni Villanueva, ang magtiayon aduna usab kini mga propriedad sa Leyte ug Ozamis City.
Aduna usab kini daghan nga mga bank account ug dili mominos sa 12 ka mga motor. Nagkanayon si Villanueva nga atol sa pag silbi sa freeze order, ang umagad lang sa magtiayon ang diha sa panimay.
Samtang giklaro niini nga mahimo pa nga puy-an ang balay hangtud nga dili pa kini makuha sa gobyerno apan dili kini mahimong ibaligya.
Ang tigpamaba sa PDEA-7 Leia Albiar-Alcantara, nitug-an nga pabiling gawasnon ang magtigayon hangtud karon human sila naisyuhan og search warrant sa Ozamis City niadtong Disyembrre 2017 ug giisyuhahan ug warrant of arrest niadtong March 2018. —MEL (BANATNEWS)
- Latest
