Collado: Kahusay ug kalinaw sa probinsiya manageable
CEBU, Philippines — Ang direktor sa Cebu Provincial Police Office (CPPO) Police Colonel Aladdin Collado nagkanayon nga manageable ang kahusay ug kalinaw sa Lalawigan sa Sugbo apan duha ka functions ang gipatuman sa kapolisan.
“Masasabi pa rin natin na manageable level ang peace and order natin ay makikita rin naman natin sa statistics natin, hindi pa rin kami tumitigil sa aming gawain para sugpuin ang mga kriminal aktibidadis”, matud ni Collado.
Matud ni Collado nga uban sa koordinasyon sa Department of Health padayon nila nga gihingusgan ang ilang pag-monitor sa pagpatuman sa minimum health standard protocols sa probinsiya.
“Hindi pa rin kami tumitigil sa pagpaalala sa mga tao natin sa mga protocol at saka paggamit sa mga preventive protections, equipment natin”, padayag ni Collado.
Gibutyag ni Collado nga doble karon ang ilang effort sa probinsiya uban sa pagbalanse sa ilang regiular nga pagpatuman sa balaod ug ang ilang pagmonitor sa mga COVID-19 responses.
Giangkon ni Collado nga nanginahanglan sila og dugang mga personnel aron mapatuman kini. Sa pagkakaron aron mapadayon ang maong kalihokan, si Collado kanunay nga mo bisita sa mga police station sa probinsya aron pahinumduman sila sa hugot nga pagpatuman sa health protocols.
Lakip sa mga gi-monitor sa kapolisan sa CPPO ang mga tourist spot sa probinsiya.
“Binabalanse kasi din natin yung kalusugan at saka kabuhayan”, dugang ni Collado. —BDB (BANATNEWS)
- Latest
