TCC nibalik sa “face to face” nga enrolment
CEBU, Philippines — Gibalik ang face to face nga enrolment sa Talisay City College (TCC) alang sa ilahang second semester.
Kini human nabantayi sa kadagkoan sa maong eskwelahan nga mas epektibo gyud ang “face to face” kompara sa online enrolment.
Matud ni Richel Bacaltos, presidente sa TCC nga adunay higayon nga dili makahatag sa kompleto nga rekisitos ang mga tinun-an sa gipahigayon nga online enrolment.
Gawas niini, mas maayo ang face to face gumikan kay makapangumusta sa mga tinun-an sa ilang kahimtang.
Ang TCC nipatuman og estriktong health protocols sa dili pa makasulod sa tunghaan.
Ang mga blackboard nga wala pa magamit maoy ilang gihimo nga barrier aron paggiya sa mga tinun-an asa sila moadto sa mosunod nga proseso sa ilang pag-enrol.
Nipatuman usab diha sa TCC ang “one entrance, one exit” aron dili magdasok sa tunghaan.
Sa pagkakaron, naibot na sa 30 ngadto sa 50 ka mga tinun-an ang nakapa-enroll. — BDB (BANATNEWS)
- Latest
