ABC president sa Carcar gibanhigan

CEBU, Philippines — Natusak ang gisakyan sa presidente sa Association of Barangay Captain (ABC) sa Dakbayan sa Carcar kagahapon sa hapon human kini banhigi sa wala mailhing mga tawo diha dapit sa usa ka kan-anan sa Sitio Tangasan, Barangay Valladolid.

Ang biktima mao si John Anthony Apura, 38, ulitawo, kapitan sa Barangay Valladolid sa maong siyudad ug anak nila ni Carcar Mayor Mercedita ug Bise Mayor Nicepuro Apura.

Si John Anthony luwas kini ug ang kapolisan sa siyudad padayon kining nagpahigayon og imbestigasyon sa maong insidente.

Matud ni Police Corporal Renante Dayuja, duty desk officer sa Carcar City Police Station nga nakadawat og tawag ang ilang hepe kabahin sa insidente sa pagpamusil ug  girespondehan dayon nila kini. —BDB (BANATNEWS)