Oporto: Walay mass resignation sa Lapu-Lapu City Hospital
CEBU, Philippines — Giklaro sa kadagkoan sa Lapu-Lapu City Hospital nga walay nahitabong mass resignation sa mga doktor sa maong tambalanan.
Si Dr. Ronald Oporto, hepe sa nahisgotang tambalanan niangkon hinuon nga adunay duha ka casual general practitioner physicians nga wala na ma-renew ang ilang kontrata tungod kay wala kini mopasar sa ilang year-end evaluation.
Gipasabot ni Oporto nga human sa yearend adunay ipahigayong evaluation sa casual doctors.
Nasayran nga adunay wala ma-renew ang kontrata ug adunay mga ni-resigned tungod kay nagplano nga moadto sa abroad.
Matud ni Oporto nga ang maong mga casual doctor walay specialization hinungdan nga dili apektado ang operasyon sa tambalanan.
Nunot niini, si Oporto nagkanayon nga sa ilang pagkawagtang adunay laing mga kawani nga gipuli nga bag-o nilang gi-hire ug nagsugod usab dayon sa pagtambong sa ilang trabaho. —BDB (BANATNEWS)
- Latest
