Danao Provincial Hospital gitinguha nga himoong medical center

Cebu, Philippines — Gitinguha ni Cebu Fifth District Representative Vincent Franco "Duke" Frasco nga ipaubos sa Department of Health (DOH) ang Danao Provincial Hospital pinaagi sa paghimo niini isip usa ka medical center. Kini human niya gisugyot ngadto sa Kongreso ang House Bill No. 8275 nga nagtinguha nga mailhan ang maong hospital nga North Cebu Medical Center (NCMC).

Gitan-aw niya ang pagdugang og mga higdaanan sa hospital gikan sa 50 ngadto sa 100, pag-upgrade sa professional health care services ug facilities.

Samtang gitinguha niya nga ma-upgrade ang hospitial gikan sa lebel I ngadto sa lebel 2 general hospital. Sa pagkakaron, ang maong tambalanan mo-asikaso lamang sa mga kaso nga adunay gamay nga pag-atiman ug pagdumala nga manginahanglan og intensive care unit (ICU).

"There is a need for a higher quality of care in the Fifth District of Cebu. While the Vicente Sotto Hospital in Cebu City caters to the whole Province of Cebu, unfortunately, Cebuanos living in far-flung areas have little or no access to higher level of health care,” matud ni Frasco.

Ubos sa gisugyot nga balaudnon, ang DOH ang magtino sa dugang nga mga position sa plantilla sa koordinasyon sa Department of Budget and Management (DBM) ug Civil Service Commission (CSC0 ug konsultasyon sa management sa NCMC.

Nasayran nga si Frasco nagpasiugda og libre nga mga medical mission sa bukirang barangay nga naghatag og libre nga mga tambal ug bitamina pinaagi sa Frasco Foundation. ( BANAT NEWS)