Computerization ipatuman sa Talisay city hall
Cebu, Philippines — Tinguha ni Mayor Gerald Anthony “Samsam” Gullas Jr. sa Siyudad sa Talisay nga ipatuman na ang computerization sa tanang departamento sa Talisay City Hall sunod tuig.
Si Gullas nibutyag nga mao gyud unta kini ang ilang tinguha sa pagsugod sa 2020 apan nalangay kini gumikan sa pagtumaw sa pandemya.
Namatikdan nga gidagsa sa mga tawo ang city hall aron mobayad sa ilang buhis, hinoon gipahimutang sila og tarong aron mapatuman ang social distancing.
Suma pa ni Gullas nga target niya nga mapatuman ang computerization sa unang kwarter sa sunod tuig aron mahimong paspas na unya ang mga transaksyon sa matag department sa city hall.
Lakip sa plano sa mayor mao ang pagbutang ug satellite payment center sa mga malls aron dili na maghuot ang opisina sa city treasurer‘s office. ( BANAT NEWS)
- Latest
