Montejo: Rattan sticks dili gamiton sa pagpanakit
CEBU, Philippines — Giklaro ni Police Brigadier General Ronnie Montejo, direktor sa Police Regional Office (PRO)-7 nga ang mga rattan stick nga giendorso aron gamiton sa mga polis sa pagpatuman sa social distancing dili gamiton alang violence.
“Nindot na siya...bawal man na (violence)...murag sign-sign na ba pero di pwede ipanakit ha, gawas nalang siguro og manakit na”, matud ni Montejo.
Matud pa ni Montejo nga i-adopt nila kini nga endorsement sa PNP hilabina nga aduna kini support usab gikan kang Cebu City Mayor Edgardo Labella.
Nahisgotan kini human si Lieutenant General Cesar Binag sa Philippine National Police (PNP) nagkanayon nga ang mga polis nga naglihok isip mga social distancing patroller mogamit og mga rattan stick sa pagpatuman sa mga quarantine protocols hilabna sa yuletide season.
Base sa taho sa GMA News, niadtong Lunes ang Malacañang nipasidaan sa mga polis nga dili gamiton ang mga rattan stick sa pagsilot sa mga nakalapas sa safety protocols sa COVID-19.
Ang tigpamaba sa Malacañang Harry Roque nagkanayon nga niambit siya sa panglantaw ni Foreign Affairs Secretary Teodoro Locsin Jr., kinsa nipadayag pagsupak sa plano sa kapolisan.
Matud ni Roque nga dili pweding gamiton ang rattan sticks pagpamunal tungod kay supak kini sa balaod ug sa regulasyon sa PNP.
Niadtong Sabado, ang Commission on Human Rights nagkanayon nga ang pagamit og kusog moresulta kini sa humiliation ug trauma. –BDB (BANATNEWS)
- Latest
