Kasabutan alang sa automated ticketing sa CSBT gipirmahan na
Cebu, Philippines — Usa ka Service Agreement ang gipirmahan sa mga bus operators ug sa Topline Hi Tech and Synergy Corporation alang sa pag transition sa automated ticketing system sa Cebu South Bus Terminal (CSBT).
Ang Topline maoy systems developer alang sa design, supply installation, operation ug maintenance sa centralized automated ticketing system sa CSBT.
Ang mga membro Cebu Provincial Bus Operators Cooperative, ug operators sa Calvo Transport (Green), Calvo Transit, Gabe Transport, RLLC Bus Liner, Metrolink Express ug Vallacar Transit (Ceres)nipirma sa maong kasabotan uban ni Eugene Erik Lapasaran Lim ug Brigitte Carmel Lim Mueller sa Topline Hi Tech and Synergy Corporation.
Nisaksi niini si Cebu vice Governor Hilario Davide III niadtong Nobiyembre 25, 2020.
Ang pagpatuman sa centralized automated ticketing system magsugod ni pinaagi sa usa ka dry run sa bulan sa Marso sunod tuig apan ang operasyon gipaabot nga mag sugod na sa buwan sa Abril.
“Hopefully by December, maka-start na ta og install sa mga materials aron maka-dry run ta on March and maka-start na ta officially by April. Naa man gyud nay transition period kay of course naanad na ta og manual, so hinay-hinayon hangtod nga makasabot na pud ang tanan,” matod ni Lim. Pinaagi sa automated ticketing system adunay reloadable cards o "Suroy-suroy cards" nga tag P100 diin P30 niini ang refundable deposit ug P70 ang consumable load.
Dako ta’g pasalamat ni Gov for taking the Province forward to the digital age. Instead of cash, naa na ta’y QR (Quick Response) code, i-scan lang sa pasahero, nya naa pud ta’y Suroy Suroy card. I-tap lang nila sa device and makasulod na ang pasahero sa terminal,” matod sa bise Presidente sa Topline nga si Brigitte Carmel Lim Mueller. (BANAT NEWS)
- Latest
