P150 milyones shabu nasakmit atol sa buy-bust sa RDEU
CEBU, Philippines — Nikabat ngadto sa P150 milyones ang kantidad sa 22 ka kilong shabu nga nasakmit atol sa gipahgayong buy bust operation sa Regional Drug Enforcement Unit (RDEU)-7 batok sa high value individual kagahapon sa hapon diha sa Dakbayan sa Lapu-Lapu.
Si Police General Albert Ignatius Ferro, direktor sa Police Regional Office (PRO)-7 niila sa suspetsado nga si Gilbert Lumanog kinsa giingong miyembor sa drug group ug nalakip sa watch list sa PRO-7.
Matud ni Ferro nga ang ilang operasyon ubos sa koordinasyon sa National Capital Region Police Office (NCRPO) human nga ang Dakbayan sa Lapu-Lapu giingong usa sa mga target area sa pagpamaligya og ilegal nga drugas sa nahisgutang grupo.
Ang mga nasakmit nga ilegal nga drugas gisulod kini sa tea pack.
Nunot niini, si Mayor Junard Ahong Chan sa Dakbayan sa Lapu-Lapu kinsa diha atol sa operasyon nihangop kini sa PRO-7.
Si Chan niawhag sa mga ilegalista sa drugas ug mga user nga mohunong na sa ilang ilegal nga kalihokan tungod kay gipahugtan pa sa siyudad ang ilang security monitoring. (BANAT NEWS)
- Latest
