CFI nagtinguha nga mo-develop sa carbon market

CEBU, Philippines — Niawhag ang Cebu CFI Cooperative ngadto sa lokal nga kagamhanan sa Syudad sa Sugbo nga hatagan sila og higayon nga maka-apil sa pag-re-develop sa Carbon Public Market.

Base sa proposal sa CFI, ang pagpalambo sa merkado sa carbon moabot ngadto sa P3.5 bilyones ang gasto ug gibana-bana nga makumpleto sulod sa duha ka tuig.

Apil niini ang pagtukod sud sa merkado ug cold/dry storage, terminal, park ug cooked food area, freedom park, socialized housing, seaside park, hotel ug event pavillion.

Matod ni Attty. Winston Garcia ang Presidente sa CFI nga aduna silay magasto sa maong proyekto human nga ang Landbank nisaad nga mopundo niini.

Atol sa press conference sa mga opsiyal sa CFI kagahapon, tinguha ni Garcia nga mahatagan unta sila og higayon sa ilang proposal nga naglakip sa pag-preserbar sa historal landmark sa area apil na ang Freedom Park.

Ang CFI ni-kwestyon usab ngadto kang Atty. Floro Casa ang city administrator kon nganong dili sila hatagan sa kopya sa proposal sa megawide bisan pa man og nibayad na sila og P50mil ngadto sa syudad alang sa biding documents isip bond.

“They accepted it but they refuse to provide us until we present a notarized letter of intent to submit a comparable proposal by October 16, comparable proposal of the Megawide. I asked Atty Casa, how can you expect us to present a comparable proposal if we don’t even know what it is the proposal itself” matod ni Garcia.

Dugang ni Garcia nga gihatagan lang sila sa Cebu City og 10 ka adlaw aron makasumiter og proposal alang sa usa ka dakung proyekto.

Gidemanda ni Garcia nga hatagan sila og kopya sa detalye sa proposal sa megawide, kay kun dili , posibleng mag atubang kini og fasong estafa sa korte.  Ang Banat News, wala pa kakuha sa habig ni Casas kalabot niini. (BANAT NEWS)