Herbal plants gipatubo sa CREMDEC sa Baragay Taptap

CEBU, Philippines — Gipaneguro sa Cebu City Resource Management and Development Center (CREMDEC) nga mapahimuslan gyud og maayo sa publiko ang 9.2 ka ektarya nga luna nga giatiman sa ilang departamento.

Isip pagpatigbabaw sa programa sa pakigbatok sa COVID-19, ilaha gyud nga gikampanya ang pagbaton og “healthy lifestyle”. Subay niini nagbaha karon ang herbal plants sa CREMDEC nga nahimutang sa Barangay Taptap.  Suma pa sa head sa campus development section sa CREMDEC nga si Dr. Alice Utlang nga duna sila’y mint, basil, dill, rosemary, oregano ug uban pa.   Aduna pud sila ‘y mga utanon ug ang kita niini adto padulong sa panudlanan sa gobyerno.

 “Importante kaayo karong panahona nga healthy aron malayo ta sa mga sakit,” nagkanayon si Utlang.

Lakip sa niuso usab panahon sa quarantine mao ang ornamental plants. Nasayran nga ang CREMDEC usab ang naghatag og nga tanom nga gipamutang sa mga center island ug park sa siyudad. /MEL (BANATNEWS)