Utlang: CREMDEC adunay abot bisan sa pandemiya
CEBU, Philippines — Bisan sa nahitabong pandemiya padayon gihapong adunay kita o abot ang Cebu City Resource Management and Development Center (CREMDEC).
Kini ang gibutyag ni Dr. Alice Utlang, pangulo sa CREMDEC nga nahinabi sa Banat News.
Matud ni Utlang nga mokabat sa P50 mil ang ilang nakita sa CREMDEC bisan sa pandemic tungod kay padayon man sa pagpananom ang mga mag-uuma ug mga utanon apan giminosan una ang pagpananom sa mga buwak.
Gipasabot ni Utlang nga ang mga utanon usa kini sa basic commodities sa mga tawo o kan-onon.
Gawas sa mga utanon adunay mga ornamental plant usab diin aduna silay mga walk in client nga mamalit niini ug kung managko na usab ang uban nilang mga gitanom mokita na usab unya sila niini.
Dugang ni Utlang nga ang halin sa mga baligya sa mga mag-uuma magamit nila kini sa pagpamalit sa ilang mga panginahanglanon sama sa mga kaang, vitamins ug abuno. /BDB (BANATNEWS)
- Latest
