Bucao nihangop sa pag-uswag sa klase
CEBU, Philippines — Gihangop ni Bise Mayor Alan Bucao sa Dakbayan sa Talisay ang ulahing desisyon sa pag-uswag sa petsa sa pagbukas sa klase.
Matud ni Bucao nga sa iyang tan-aw dili pa gyud 100 porsyento nga andam ang Department of Education (DepEd).
Ug ang pag-uswag sa pagbukas sa klase pabor kini sa mga magtutudlo ug tinun-an diin matibhangan usab ang kabalaka sa mga ginikanan tungod kay ang virus wala pa kini mawala naa pa kini sa palibot.
“Somehow, kining maong postponement is advantageous sad sa mga students & parents considering nga wala pa nato ma-establish kong kontrolado naba gyud ang pagkuyanap sa COVID-19. In fact, many are still in doubt sa veracity sa numbers as reported by DOH”, padayag ni Bucao.
Ang kagamhanan sa Dakbayan sa Talisay nisuporta kini sa mga kalihukan sa DepEd diin si Mayor Gerald Anthony “Samsam” Gullas Jr. nipasalig kini sa kanunay nga supoerta sa maong ahensiya. Dugang ni Bucao nga medyo alanganin pa karon ang paggama sa dugang pang modules alang sa mga estudyante. /BDB (BANATNEWS)
- Latest
