Mobaligya sa plasma dakpon

CEBU, Philippines — Ipadakop sa Police Regional Office 7 ang mga mahibaw-an nga mamaligya og blood plasma gikan sa mga nakarekober sa coronavirus disease 2019.

Matud ni PRO-7 director, Police Brigadier General Albert Ferro, nga iyang ipaimbestigar sa tanang police stations sa Central Visayas ang taho nga pagpamaligya og blood plasma. Gipasabot niya nga usa kini ka ilegal nga buhat sama sa pagpamaligya og internal organs sa tawo.

Subay niini makig-alayon ang kapolisan sa Department of Health aron masumpo ang maong ilegal nga kalihukan.

Lakip sa dakpon ug pasakaan og kaso ang medical practitioner nga nagkuha sa blood plasma kung mamatud-an nga kini namaligya ngadto sa ang usa pasyente sa COVID-19.

Mismo ang kapolisan nga nataptan sa sakit ug nangaayo na ang nidonar nga libre sa ilang blood plasma ngadto sa ubang pasyente ubos sa Makatao Malasakit Blood Plasma Program sa PRO-7. /GMR (BANATNEWS)