45 inmates sa CPDRC nangaayo

CEBU, Philippines — Naka-recover na ang 45 ka mga inmates ug personnel sa Cebu Provincial Detention and Rehabilitation Center (CPDRC) nga natakdan sa coronavirus disease (COVID-19) sumala pang Dr. Christina Giango ang pangulo sa Provincial Health Office.

Matud ni Giango niadto pang Hunyo nangaayo ang maong mga piniriso ug kawani sa provincial jail ug wa nay bag-ong natala nga positibo.

Samtang adunay 60 ka inmates nga gikatakdang makagawas na subay sa mando sa korte ug silang tanan gipaubos gihapon sa swab test kagahapong adlawa.

Central Visayas

Samtang niabot na sa 12, 931 ang total confirmed cases sa COVID-19 sa Central Visayas human nga adunay 262 ka bag-ong kaso ang natala niadtong Hulyo 16, 2020 sumala sa Department of Health (DOH-7). (BANATNEWS)