Center nagtanyag og libreng online consultation sa CICL

CEBU, Philippines — Usa ka center nga nagtabang sa mga Children in Conflict with the Laws (CICL) sa Sugbo niining panahon sa pandemic ang nidawat og libreng online consultation alang sa mga CICL nga nahuman na sa ilang programa apan nagkinahanglan og tambag.

Gawas sa padayon nga pagtabang nila sa mga frontliner pinaagi sa paghatag og mga face shield nga gihimo sa mga CICL ang Magone Home Aftercare Program nihatag usab og libre nga online consultation alang niadtong nagkinahanglan og psychological ug spiritual nga tabang sa uban pa nga CICL ilabi na niining panahon nga gidili ang panagtapok ug kinahanglan ang pagpundo sa balay nga mao usahay ang hinungdan sa depression.

Kadtong adunay tuyo sa maong center mahimo ra kining makig-alayon sa ilang social media page nga Magone Home After Care Program.

Ang psychological services supervisor sa center Abby Banuag nihimo usab og mga pamaagi sa pagpalabay sa ilang oras sama sa pagtukar sa piano nga gi-post sa ilang social media nga nakaani usab og pagdayeg sa netizens. /BDB (BANATNEWS)