Lalaki naangol human pusila sa silingan

CEBU, Philippines — Grabeng naangol ang usa ka lalaki human kini pusila niadtong Domingo sa gabii diha sa Sitio Lub-ang, Barangay Casuntingan, Dakbayan sa Mandaue.

Giila sa kapolisan sa Presinto 4 sa Mandaue City Police Office (MCPO) ang biktima nga si Rogelio Buhawi, hingkod ang panuigon, nagpuyo sa maong dapit.

Ang suspetsado mao si Dionesio Ople, hingkod ang panuigon, silingan sa biktima ang dali nga nisibat pahilayo sa maong dapit human sa maong hitabo.

Sa pakisusi sa kapolisan nasuta nga ang duha adunay dugay na nga panagbangi.

Ug dihang nagkatagbo ang duha nagkaprontasi kini nga misangko sa mainiton nilang panaglalis.

Taliwala sa panaglalis kalit nga gipusil sa suspetsado ang biktima gamit ang wala pa matino nga kalibre sa armas. /BDB (BANATNEWS)