Mga utilities giawhag paghatag pabor sa mga konsumedor
CEBU, Philippines — Giawhag sa hunta probinsiyal sa Sugbo ang mga water companies ingon man ang mga electricity distributor nga mohatag og discounts, incentives o mo-adopt og pamaagi nga makapabor sa ilang mga konsumedor.
Nunot kini sa pagpatuman sa community quarantine tungod sa coronavirus disease (COVID-19).
Sa duha ka managlahi nga resolusyon ni Bokal Glenn Anthony Soco, gisaysay niini nga ang nahitabo karon nga quarantine niresulta nga pipila sa mga establisemento ang nanirado nga nakaapekto sa mga trabahante.
Ang uban niubos ang kita sa trabaho samtang dunay uban wala na gyuy sweldo.
Ang kadaghanan nagpabilin lang sa tagsa-tagsa ka pinuy-anan ug padayon nga nigamit sa mga basic nga kinahanglan sama sa tubig ug kuryente.
“Despite the economic, social and financial crisis each and everyone is experiencing, households continue to use up basic utilities, like electricity, water and liquefied petroleum gas. Households are still expected to spend on these since basic utilities which are necessary in each and every home and are essential in one’s daily human activities,” matud ni Soco.
Bisan ang mga Micro-Small Medium Enterprises (MSMEs) ang apektado usab sa krisis dala sa pandemic sanglit gawas nga kinahanglan isuspenso ang operasyon o pagtuman sa pag-ubos sa adlaw sa trabaho, nikunhod usab ang kita sa negosyo.
Taliwala niini, giawhag sila nga mohatag daan sa 13th month pay sa ilang mga trabahante nga naglisud ug samtang ang uban padayon ang operasyon, padayon usab ang obligasyon nga bayranan sama sa paggamit sa kuryente. /GMR (BANATNEWS)
- Latest
