Ruiz: Pagsul-ob og face-mask ug social distancing ipadayon

CEBU, Philippines — Gitinguha ni Konsehal  Nerissa  Soon-Ruiz sa Dakbayan sa Mandaue nga hingusgan gihapon sa pagpatuman  sa kagamhanan sa siyudad ang naandan nga pagahimuon  alang  sa paglikay sa pagkuyanap  sa coronavirus disease (covid-19).

Kini maoy unod  sa gipalabang nga resolusyon ni Ruiz kinsa maoy chairman sa committee on health  sa konseho  sa siyudad.

Ang resolusyon ni Ruiz gituki kini atol sa ilang regular session niadtong Lunes diin gipasabot niini nga ang pagpanglimpiyo sa kaugalingon kinahanglan nga batasanon na kini sa mga Mandauehanon.

Naglakip na niini ang pagpanglimpiyo sa kamot pinaagi  sa pagpanghunaw nga gamit ang tubig ug sabon o ang pagpanghunaw og alcohol diin mao kini ang labing gikinahanglan sa paglikay sa covid-19.

Matud usab ni Ruiz nga bisan kon mahuman na ang gipatuman nga ECQ labing maayo nga ipadayon gihapon ang pagsul-ob og facemask ug ingon man hugtan usab sa pag patuman ang social distancing.

Dugang ni Ruiz nga kini magsilbi na nga naandan nga pagahimuon sa mga Mandauehanon isip paglikay sa covid-19 o uban pang sakit o virus motakboy. /BDB (BANATNEWS)