Matuguina: Sitwasyon sa Carbon nakontrolar dayon

CEBU, Philippines — Giklaro sa Cebu City market administrator nga nakontrolar nila ang sitwasyon sa Carbon Public Market niadtong Huwebes Santo. Kini kalabotan sa usa ka post nga nag-viral diha sa internet diin ang mga tawo nagdasok kini diha sa Carbon Public Market aron makapalit og mga sagol alang sa benignit.

Matud ni Jonil Matuguina nga gipadayag diha sa post nga nakontrolar sa mga awtoridad ang sitwasyon sa Carbon mga alas 11:00 sa buntag. Si Matuguina niklaro nga ang hulagway nakuha sa alas 6:09 sa buntag ug ang sitwasyon nakontrol kini pagka-alas 6:30 sa buntag. “Naa gyud tay designated entry points ato, kani sa Escaño. Tungod sa kadako sa area of responsibility, naay nakalusot. Unya atong polis murag kulangan og mga tawo ato nga mga panahon”, pasabot ni Matuguina.

Gibutyag ni Matuguina nga gibana-banang niabot ngadto sa 3000 ang niadto sa Carbon atol sa nahisgutang adlaw.

Matud usa ni Matuguina nga 40 lang ka tawo ang tugotan nilang makasulod diha sa Carbon Public Market.

“Na-violate gyud ang social distancing, unya we are thinking unta the Cebuanos are law abiding people, we should not always blame the authorities and the government, because it is a personal responsibility to follow the social distancing”, matud ni Matuguina.

Si Matuguina nihangyo sa mga mamaligyaay diha sa merkado sa ilang pagsabot kabahin sa higpit nga pagpatuman sa social distancing diin adunay limitasyon sa gidaghanon sa mga tawo nga mosulod diha sa merkado. /BDB (BANATNEWS)