Mga port terminal magbilin nga fully operation

CEBU, Philippines — Ang Cebu Port Authority nipasalig nga tanang port terminal magpabilin nga fully operation pagsiguro nga magpadayon ang biyahe sa mga produkto taliwala sa giimplementar nga Enhanced Community Quarantine sa tibuok Probinsiya sa Sugbo.

Si Leonilo Miole, director general sa CPA nagkanayon nga bisan sa hulga sa covid-19 ug sa implementasyon sa ECQ nagpadayon gihapon ang CPA sa pagdumala sa mga pier pagsiguro nga dili mabara ang biyahe sa mga kargamento ug mga mahinungdanong produkto nga gikinahanglan kaayo sa katawhan.

Giawhag ni Miole ang tanang law enforcement officer nga tugotang makaagi ang mga authorized personnel sa CPA ug port workers sa mga checkpoint ug border control aron dili malangan sa pag-report sa ilang areas of assignment diha sa CPA ports ug offices sa nagkalainlaing bahin sa Probinsiya sa Sugbo.

Gipasabot ni Miole nga ang mga port frontliner gipahimutang aron mag-operate ang tanang pier ug gisiguro usab ang pagpahimutang sa tanang preventive measures batok sa covid-19 diha sa mga seaport.  /BDB (BANATNEWS)