Provincial Accountant suspensohon
CEBU, Philippines — Human sa 15 ka tuig, karon pa napatuman ang pagsuspenso sa Provincial Accountant nga gimando sa Office of the Ombudsman Visayas.
Si Gobernador Gwendolyn Garcia niluwat og administrative order nga nagpatuman sa suspension order batok kang Marieto Ypil ang Provincial Accountant nga molanat og tulo ka bulan.
Ang maong kaso nag-ugat sa pagkapakyas ni Ypil nga mo-review sa mga supporting documents alang sa mga vouchers sa pag release og pundo ngadto sa Perdido Lex Foundation, Inc.
Ang record sa Human Resource Management Divisions nagpakita nga ang si Ypil wala pa sukad naka-serve sa maong suspension nga gimando sa Ombudsman.
Ang Ombudsman sa sulat niini penetsahan niadtong Nobiyembre 29, 2019 ni request kini sa update sa ilang gipatuman sa suspensiyon.
“It should be noted that the decision of the Office of the Ombudsman are final and executory, hence, there is a need to comply with said decision” pagbasa sa kamandoan ni Garcia penetsahan Marso 5, 2020.
Si Ypil sa iyang bahin nagdumili na pagkomento bahin sa suspension apan iyang gikompirmar nga ni-apply na siya alang sa iyang pagretiro. /IBM (BANATNEWS)
- Latest
