Dakung sunog niulbo sa Suba, Pasil kagabii

CEBU, Philippines – Dakung sunog niulbo sa may Sitio Santo Niño, Suba Pasil, Cebu City kagabii.

Ang sunog gituohang nagsugod sa kisame sa unang andana sa panimalay sa magtiayon nga Liezel ug Jerry Cabido sa may Block 3 sa maong lugar.

Matud ni Liezel nga nag-estoryahay sila sa iyang ugangan ug nakadungog sila og piti-piti sulod sa 15 minutos dayun gisundan sa aso.

Dunay nikatkat ug gikanlat ang kisame ug didto nakit-an ang kayo maong dali nga gibuboan og tubig apan dali ra kaayo ang pagkaylap sa kayo.

Matud ni Liezel mga wala silay nabitbit bisan babyron sa bata.Sa pagsuwat niining balita padayon pa ang kombate sa kabomberohan samtang wala pa natino kung pila ka balay ang naugdaw. /GMR (BANAT NEWS)