Opisyales mihandum sa pakigbisog ni Vicente Rama

CEBU, Philippines — Gisaulog kagahapon sa Siyudad sa Sugbo ang ika-83 nga Charter Day diin ang mga kalihukan gipahigayon sa Plaza Sugbo atubangan sa Cebu City Hall.

Gisugdan kini sa Santos nga Misa nga gipahigayon ni Msgr. Roberto “Boy” Alesna.

Nitambong sila si Cebu City Mayor Edgardo Labella, Vice Mayor Michael Rama, mga konsehal, department heads, empleyado sa City Hall, kapolisan, kasundaluhan ug uban pa.

Kahinumduman si Don Vicente Rama maoy nahimong yawe aron siyudad ang Cebu. “It was only Don Vicente Rama who answered the call, I will repeat it was only Don Vicente Rama who answer the call singlehandedly fighting for City Hall that’s why every February 24, Mayor Labella Edgar, we, the Rama will always be passionate, we, the Rama will always be emotional because we always look back and the pride we have that our grandfather who singlehandedly fighting for City Hall for our politics at that time,” matud ni Rama.

Human nakahatag si Rama sa iyang mensahe gisunod dayon ang paghatag og award ngadto sa mga topnotchers sa national board examinations.

Gipasidunggan sab sa siyudad ang mga centenarians kinsa nakadawat og P100,000 nga cash nga sila si Lourdes Alfarara, Marcus Gabihan Baclayon, Salud Paterna Mesina, Antonia Moraza ug Vicente Radona.

Gihatagan sab og loyalty award mga empleyado kinsa 45 ka tuig na nga nag-serbisyo. Si Labella niawhag sa katawhwan nga puy-an ang nahimo ingon man ang adbokasiya ni Don Vicente Rama.

“I enjoined all of us to live up to the expectations, the passion and the advocacy of Don Vicente Rama for me he was a person an epitome of morality in public service, an epitome of humility in public service worthy of emulation from all of us,” matud ni Labella.

Human nakahatag og mensahe si Labella gisunod dayon ang wreath-laying ceremony. /GMR (BANATNEWS)